Tacirrarmiut

Nuratar:

Kua-ggur arnar kuni piugtur, maaggun-llu wiinga anguar-luni pilraluni. Qetunrani amayagga'arluku, ilumikun. Piyalria maani anuqlirngan imna palutelliniur wiinga. Kuni-llu nurlirran tangerrluku iluteqerpakarluni tawa-i qetunrani kuten yuungamiu carliarciqerluku nekevluni engevrarluni tangcautellinia Mugciqiarngamiu qetunrani.

Kuten-ggur caliger una angtuarwarur, siimar. Nukirwaalliniur. Tauna-ggur aanin pak'iumaara qetunrani ingluaneg tegumiaqluku. Qeteryalkuciqallrullinia tawa-i itegmikarluku taumeg tawa-i, siimameg allameg. Tawa pillrungateqapiartur-kur tawani. Kuten-llu aqumumarngami uqrani tangengcaulluku, "Atan-tar kan'a palutellra qayarturyugaqeciqellriaten." Tan'gurram-ggur tawani tangrra. Tawa keniraucagu atani. Tawa-ggur tawani qanrucani nitellinia aanami qanrutellra.

Nutan-am angturiluni piwagyalrim tar' qayartussunani pilliniur tawa-i, qass'atenrilngermi. Tauggam-ggur cun'ereryalrim imna tengmiarcuqapiarau-ggur. Kuten uksuarmi. Kiagmi-llu alpaculuni maani penartullermini penami. Nutan-am tam'akut ak'itneg tuk'urucirluni nukalpiar penarayuliuluni pilliniluni. Picit-ggur tar' illitni tawa-i pikaken ilunqum qullineg alang- karquraumallrani... atra-llu tengmiat nallunritlinikit.

Kuten-ggur qalriuryalrim alpat unaken alangkarkengain illita kuten qallriulliniur "Rrrrr... ernerpag-am Angaangalgem nalikaquciqia- lliniakut." Egqaqutmeg patutaallerkarteng tauna aperluku. Angaangalguluni tawa tauna tan'gurrer, cun'erer. Kiapauraqan amta-llu-ggur kessianeg aanani kuciallaka-ggu qayani pilagterluku kuciciutnaura. Taumun tawawet, unegkumiuni ayuqelliniur tawa, Tacirrarmiuni.

Ii-i, tauna qayartussuilngur, nukalpiar. Nutan nulliangami iingilliniyukur ikani Kangirrlum ak'iani. Tuamta-llu-am nutan pissuqengaangarrluni nukalpiaruwaallalliniur. Nutan tawa-i piciqarpug.